续斗蟀(上海童年)

保华在线

顶楼马戏团额新歌，蛮伐错额。各帮摇滚中年，由当年一曲《上海伐欢迎侬》出名， 主唱被咖啡。这次额《上海童年》，歌词让我看了较归有感触。 　《上海童年》　 　词、曲：顶楼的马戏团 　　 　　今朝阿拉两噶头（个人）拿起一把木琴 　 　来唱唱阿拉一道经历过额（的）童年 　 　男小歪（小孩）请侬点好打火机 　 　小姑娘准备卫生巾擦眼沥　　 　　 　　六月里落雨是黄梅天 　 　踏脚踏车出去记牢带雨披 　 　到老虎灶去泡冰水拖只热水瓶 　 　袋袋里藏了两角昂俤，还要一直摸摸伊。　　 　　十月一号男女同学看灯去 　 　人人拿子只塑料榔头敲来敲去 　 　想吃大闸蟹就要等到秋风起 　 　切好生姜拌好醋，用蟹脚蘸蘸伊 　　 　　玉佛寺烧头香一定是大年夜夜里， 　　搓搓通宵麻将迎来新年第一天 　 　小朋友们约好到楼下头放炮仗去 　 　心里想今年伐晓得好拿多少压岁俤。 　　　 　　一到春天就悉悉索索落毛毛雨 　 　谈朋友没地方，只好去外滩庇一庇 　 　情人墙一对对哈是道好风景 　 　最吓拿只手电筒晃伐晃伐额联防队员 　　 　　到大光明电影院去孵冷气， 　 　带好毛巾毯，防止打喷嚏 　 　一跑出来就看到对面额肯德基 　 　帮大人讲我不吃只想进去，小个便 　　 　　每趟我走过红房子西餐厅 　 　馋唾水总归是落了嗒嗒滴 　 　我晓得就算我考着了第一名 　 　爸爸妈妈哈不舍得带我去 　　 　　72家房客住了一幢房子里 　 　夜里听到怪声音是亭子间小夫妻 　 　我鼎要好额朋友爷娘不在伊身边 　 　伊讲伊是啥额“知青子女” 　　 　　隔壁头老张买了台14寸电视机 　 　搞不懂电视机前头为啥要摆个放大镜 　 　屏幕高头有雪花，就拿天线转转伊 　 　要是图像没了只好拿电视机敲两记 　　 　　（各就是阿拉额）上海童年 　 　天天裁噶有劲 　 　或许阿拉小辰光在人民广场见过面 　　 　 　 　　美影厂额动画片感动了多少小宁 　 　等西岳奇童下集等了几十年 　 　再大点就盯牢排球女将还有西游记 　 　一个暑假下来，只好去配眼镜 　　 　　最欢喜听姚慕双周柏春额滑稽戏 　 　姚慕双就住了阿拉弄堂里 　 　帮我从小剃头剃到大额是个江北人 　 　一边夸我头大聪明，一边骂“妈辣个逼” 　 　 　　大清早去读书轧了公交车里 　 　小姑娘要当心，有人会摸来摸去 　 　后来总算盼到了地铁一号线 　 　到今朝已经被“从”（偷）忒（掉）了十七八只新手机 　　 　　中学到中图门口去买轧片 　 　我再晓得搞摇滚额裁是一帮神经病 　 　最老卵就是男同学们一道吃香烟 　 　大家凑钞票买包大前门，嗦嗦伊 　　 　　（各就是阿拉额上海童年 　 　天天裁噶有劲 　 　或许阿拉小辰光来西郊公园见过面） 　　 　　辣我印象里，妈妈一直辣该织绒线 　 　要么就是我陪妈妈拆绒线让伊开心 　 　伊讲各辰光买一台子菜用不着一块昂俤 　 　现在大概只好嚼半根盐水棒冰 　　 　　四大金刚当早饭永远吃不厌 　 　粢饭配油条，咸浆里多摆点虾皮 　 　要是窝里厢有亲眷到上海住两天 　 　总要带伊拉去吃吃喷喷香额小笼生煎 　　 　　上海哪能就让人噶欢喜 　 　从静安到杨浦还有浦东新区 　 　有辰光稍许让人觉得有点错气　 　但是就算蹲一辈子哈不会觉着厌 　　 　　（这就是阿拉额上海童年 　 　天天裁噶有劲 　 　或许阿拉小辰光在陆家嘴见过面 　 　这就是阿拉额上海童年 　 　天天哪能就噶有劲 　 　或许阿拉小辰光在彭浦新村见过面） 　　 　　曾经一个玉树临风的摇滚青年 　 　现在哈已经开始秃顶 　 　慢慢变成一个发福的摇滚中年 　 　来唱唱阿拉的童年拨侬，随便听听 　　 　　要是侬没兴趣，就请出去吃香烟 　 　如果你哈感动，就丢点硬币 　 　现在额日脚是过了再哈没老早轧有劲 　 　挺下来额就是阿拉这些长不大的上海小宁

陳先生老底